A Universidade do País Vasco (EHU) deu a coñecer a súa renuncia a participar en proxectos de investigación compartidos con universidades e centros vencellados ao Estado de Israel. A suma destes proxectos ascende a un valor de máis de 247 millóns de euros.

En Movemento Sumar Galicia queremos que tamén as nosas universidades teñan como prioridade institucional a denuncia activa do xenocidio que está vivindo o pobo palestino. Neste momento, hai máis de 100 millóns de euros en proxectos compartidos das nosas universidades con centros israelíes. Polo tanto, asina para:

• Que a Universidade de Santiago de Compostela, a Universidade da Coruña, e a Universidade de Vigo promovan a expulsión dos proxectos, nos que participen, das empresas, centros de investigación, universidades ou entidades de Israel, tanto en proxectos europeos (Horizonte Europa), como en proxectos estatais. De non ser posible, que as universidades galegas renuncien a participar nos termos acordamos en cada proxecto.

• Que os rectores da USC, UDC e UVigo insten á Comisión Europea e ao Goberno de España a que exclúan a todas as universidades, centros de investigación e institucións israelíes dos fondos destinados á colaboración en investigación, académica e cultural.